Saturday, 2 January 2016

பயணம் தரும் அனுபவம் ...

பயணங்கள் என்றுமே சுவாரஸ்யத்தை விதைத்து அனுபவக்கனிகளைப் பெற்றுத்தருபவை.

நேற்று , ஒர் அவசர வேலையாக துபாய் செல்ல டாக்ஸிப்பிடித்தேன்.
துபாயைப்போல் அல்லாமல் ஷார்ஜாவில் பல தனியார் டாக்ஸி சர்வீஸ்கள் உண்டு , மிக அரிதாகவே அதில் இந்திய , அதிலும் தமிழ் ஓட்டுனர்கள் பார்க்க இயலும்.

அப்படியே ஏறி அமர்ந்ததும் , செல்லும் இடம் கூறியதுமே , மெல்ல பேச்சுக்கொடுக்க ஆரம்பித்தார் டிரைவர் !

ஆப் மலையாளி. ? அதென்னவோ இங்கு கொஞ்சம் டஸ்கி கலரில் இருந்தாலே முதலில் கேட்கப்படும் கேள்விதான் ! இல்ல மதராஸி என்றவளை , ஓ ..சென்னை என்றவர் பதில் என்னை நன்றாக அவரை உற்று நோக்க வைத்தது. நீல சீருடை , ஒழுங்கற்ற சட்டை , முடி , அனாயசமாக ஸ்டியரிங் வீலைக்கையாண்ட விதம் , அந்தக்கைகளுக்கு அது பழக்கமான வேலை என்பதும் , சொன்னதும் , வழியை சட்டென புரிந்துக்கொண்ட விதம் அவரது இங்குள்ள அனுபவத்தையும் , முகத்திலும் எழுந்திருந்த வெள்ளி முடிகள் வயதையும் கூட்டிக்காண்பித்தன.

ஆமா , சென்னை என நான் ஆங்கிலத்தில் தொடர , அவரும் , தான் அதிகம் படிக்கவில்லை எனவும் ஆனால் ஆங்கில அறிவு தம்மால் புரிப்துக்கொள்ளும் அளவு இருப்பதாகவும் கூறி வந்தவர் , தமிழ் மக்கள் சிங்கப்பூர், மலேசியாவில் தான் அதிகமுள்ளனர் என்றும் , இங்கு அதிகம் மலையாளிகளே உள்ளனர் என்றும் ரமணா ரேஞ்சில் புள்ளி விவரப்புலியானார். டாபிக்கை மாற்ற நானும் உங்களுக்கு குடும்பம் மனைவி எல்லோரும் இங்கில்லயா ? என இல்லை என்றும் ...

ஆஃகான் என்றவர் , ஆஃகானிஸ்தானில் கந்தஹாரில் இருப்பதாகவும் 3 குழந்தைகள் எனவும் , தான் இங்கு நீண்டக்காலமாக டிரைவராக இருப்பதாகவும் கூறிய தொனியில் விரக்தி சிதறி விழந்தது.
என்னையும் விசாரித்தவருக்கு இந்தியாவைப்பற்றி அறியத்துடிக்கும் ஆவலும் அடங்காமல் இருந்தது.

கேரளாவும் , தமிழ் நாடும் சேம், சேம் , நெக்ஸ்ட் , நெக்ஸ்ட் என்றவர் அங்கே எல்லோருக்கும் 2 குழந்தைகள் தான் , இங்குப்போலில்லை என்றார். குட் என்று தனக்குத்தானே சொல்லிக்கொண்டவர் ,

ஆப் , ஹிந்து ?? என்றார் , நான் ஆம் எனவும் , இந்தியாவில் இந்து , கிறிஸ்டியன், முஸ்லீம் ஆல் சேம் , சேம் , ஆல் டு கெதர் , நோ difference ! ஒன்லி ஹியர் ஆல்..

What is in religion , nothing , u cut hand , blood is red , cut my hand only red , not white , by cutting pain for u & me are same, then why difference என்றார் ...

ஆம் , எங்கள் நாட்டில் நாங்கள் அனைவரும் ஒன்றாக வே வாழ்கிறோம் என்றேன். ஐ லைக் இந்தியா , தட்ஸ் குட் என்றவர் பேச்சில் ஒரு சோகம் இழையோடியதையும் , கூடவே தனக்கு BP problem மட்டுமே இருப்பதாகவும் , குறையவில்லை எனவும் 140/150  இருப்பதாகவும் சொல்ல , நானும் உங்கள் வயதுக்கு அது ஒகே என்றிட, எனக்கு 42 மட்டுமே என்றார்.  வாயடைத்து , பையெடுத்து பணம் தந்து நன்றி சொல்லி என் இடம் இறங்கினேன் .

முதுமைக்கோலம் தந்த மனம் , பேசியதில் தெரிந்த அவர் குணம், ஆப்ஃகானின் நிலை ,  அவரைப்பற்றி அதிகம் யோசிக்கவைத்தது.

இன்னொரு ட்ரைவரையும் சந்தித்தேன். .அந்த அனுபவம்.கலவரம் ,அது .அடுத்தப்பதிவில்